Ol man mo woman long ol Pasifik Aelan kantri bambae oli save joenem Ostrelian defence fos long wan niufala proposol we oli stap tokbaot naoia blong inkrisim namba blong militari long Ostrelia.
Minista Matt Keogh we I lukaotem defence hemi talem se Kavman I stap lukluk naoia long ol tinktink blong inkrisim namba blong Ostrelian Armed Fos, from nomo se rikrutmen I slo daon lelepet.
Wan opsen nao hemi blong alaoem ol pipol blong ol foren kantri oli kam joen long Armed Fos.
Mifala stap lukluk long evri opsen we I stap blong helpem defence fos I gro, mo wan long ol opsen ia nao hemi blong karem ol memba blong fos blong ol narafala fren kantri blong kam joenVeteran Afea Minista Matt Keogh
Ostrelian Veterans’ Afea Minista Matt Keogh i toktok long wan media press konfrens long Parliament Haus long Canberra, Hemia long Tosdei, long manis blong Okis namba 11 dei blong yia 2022. (AAP Image/Lukas Coch) NO ARCHIVING Source: AAP / LUKAS COCH/AAPIMAGE
Wan narafala tinktink tu hemi blong karem ol man mo woman nara ples blong kam long Ostrelia, o olgeta blong narafala kantri we oli stap finis long Ostrelia blong joenem defence fosVeteran Afea Minista Matt Keogh
Naoia we I stap defence fos I letem olgeta we oli joen long UK mo US armed fos blong muv blong kam joen long Ostrelian defense fos, be Mr Keogh I talem se narafala opsen hemi blong rikrut long ol kantri long Pasifik.
Mifala I stap lukluk long ol Pasifik Aelan Kantri, mo tu long ol narafala ples from mifala luk save se hemi impoten blong mekem defence fos I kroVeteran Afea Minista Hon. Matt Keogh
Naoia we I stap federal kavman I no mekem wan klia disisen yet long niufala tinktink blong rikrut blong defence fos ia.
